تسونامي التكسيرر - الوطنية موبايل

بارود يرد على بيان إدارة شباب رفح

تم نسخ الرابط https://mediasport.ps/post/13025

ميديا سبورت

الدين معاملة..
بالبداية الكل بعرف انا طالع رحلة علاجية لعملية زراعة لزوجتي بمصر والامور هاد بدها راحه نفسية وما بدها نكد او ضيق لكن للاسف الي قاعد بمصر شهر ونص ومحدش من الادارة اتواصل معي ولا حتى يطمن علي  بتفاجأ انهم باقيين مجتمعين وزي ما بحكو انهم متشاورين مبدئيا انهم يستبعدوني من القائمة للموسم الجديد دون علمي ولا حتى الرجوع الي لانه موضوع بخصني ووصلني الكلام عن طريق مقربين من الادارة ومن داخل الادارة وانه انا حاكي لعضو ادارة اني مطول بمصر وطبعا لا حد حكى معي ولا انا حكيت مع حد منهم..
المدير الفني الكابتن احمد عبد الهادي طلب من الادارة اكون موجود معه لاعب وسجلني بالقائمة مرتين لكن الادارة رفضت وعمل كتاب رسمي للادارة انه محمد بارود بدي اياه موجود مع الفريق للموسم الجديد واسمه يكون موجود ضمن القائمة ولما يروح من مصر  اله حريه الاختيار سواء مدرب او لاعب وعمل نسختين نسخة مع الادارة ونسخة مع الجهاز بردو الادارة رفضت وحكالهم انتو الي بتبلغوه وبتتحملو المسؤلية ..بردو محدش حكى معي ولا بلغني بعرفش ليش ..
اتصل علي عضو الادارة محمود قشطة يوم الخميس اخر يوم تسجيل اللاعبين وبقولي اخدنا قرار فيك بالادارة تكون مدرب ولاعب مع شوبير بالجهاز الفني وبراتب الجهاز الفني قولتله كيف ابتوخدو قرار بدون ما تحكو معي وبدون ما تشاوروني او توخدو رأيي وليش بدكو تفرضو علي اشي بديش اياه عيب تعملو هيك بدون ما ترجعولي ..
قولتله وصل رسالتي للادارة احكيلهم محمد بارود بدى لاعب بشباب رفح وبده ينهي لاعب بشباب رفح وبالنسبة للفلوس ابتحسبلي وقت ما انزل اول تمرين وبنفس الوقت ي محمود انا بدورش عالمصاري ومش تبع مصاري ..
بالنسبة للبيان وعضو الادارة الي نزل ع صفحته الرئيسية وحذفة ..
بحب اقوله انه المصاري ال 500دولار هدول من مستحقاتي وواجب عليك اتوفرهن وخاصة اني طالع رحلة علاج  يعني مش ميخدهن دين منك ..
وبالنسبة للاصابات الي بحكي عنهن انا كنت بحب العب عالفوز يعني لازم اموت بالملعب هيك اتعودت بالزعيم علشان انت و جمهورنا يروح مبسوط وسعيد وكنت اضحي بكل شي في سبيل اسعاد الجميع..
وبعدين وكتيش متغيب الموسم الي فات ٦ شهور هاض يعني ملعبتش الدوري الي فات خالص..
محدش من الادارة عرض علي اشي انهم فرضو علي باخر يوم تسجيل كانو ميخدين القرار ومخلصين ..
بالنسبه للوظيفة هاد واجب ع الادارة انها اتوفر للعيبة ع قدر الامكانيات لانه اللاعب يستحق وبيتعب ولعيبة شباب رفح غير لعيبة الاندية الاخرى لعيبة بطولات ..
بالنسبه لعضو الادارة فريد الخطيب الي حكى ع صفحته الشخصية بهيك موضوع انت موظفتنيش ولا ابتدفعلي من جيبتك انا بتعب وبعرق علشان الي زيك يضحك وينبسط وبديش احكي كلام  كتير ..
و بدل ما يقفو معي  بهيك موضوع حساس ويساندوني بروحو بكافئوني بالاستبعاد ..
بالنهايه انا مش تبع تحريض انا ابن عائلة بارود كلي فخر بانتمائي الها وكلي فخر وشرف اني البست بلوزة شباب رفح الكيان الي اتربيت وترعرت واكسبت حب الناس فيه ..
والحمدلله هاد نعمة من ربنا وكل التحيه والاحترام والتقدير لجمهور الزعيم جمهور شباب رفح ..